17.apríl verður keppt í lengri vegalengdum. 

Fyrir fullorðna 16 - 35 ára og 36 ára og eldri í karlaflokki er þá keppt í 5 x 2 km. Í kvennaflokki 16 - 35 ára og 36 ára og eldri er keppt í 5 x 2 km. Skotið er fjórum sinnum, öll skiptin liggjandi. Fyrir hvert misst skot er bætt við 30 sekúndur hjá körlum eog 30 sekúndur hjá konum. Fullorðnir skjóta með .22 kalibera rifflum á skotmörk í 50 metra fjarlægð.

11 - 15 ára skjóta með laser rifflum í 10 metra fjarlægð og eru gengnir 5 x 1,2 km. Skotið er fjórum sinnum, bæði skiptin liggjandi. Fyrir hvert misst skot bætast við 30 sekúndur.

18.apríl verður keppt í styttri vegalengdum. 

Fyrir fullorðna 16 - 35 ára og 36 ára og eldri í karlaflokki er þá keppt í 3 x 2,5 km. Refsihringur fyrir hvert misst skot er 100 metrar í karlaflokki. 

Í kvennaflokki 16 - 35 ára og 36 ára og eldri er keppt í 3 x 2 km. Skotið er tvisvar sinnum, 5 skotum í hvert skipti, bæði skiptin liggjandi. Refsihringur fyrir hvert misst skot hjá konum er 100 metrar. Fullorðnir skjóta með .22 kalibera rifflum á skotmörk í 50 metra fjarlægð.

11 - 15 ára skjóta með laser rifflum í 10 metra fjarlægðog eru gengnir 3 x 1,2 km. Skotið er tvisvar sinnum, bæði skiptin liggjandi. Refsihringur fyrir hvert misst skot er 50 metrar.

Skráningar

• Skráningargjald er 5.500 kr. fyrir alla aldursflokka fyrir hverja keppni, samkvæmt gjaldskrá SKÍ.
• Skráning er í mótakerfi SKÍ. Skráningu lýkur kl. 23:59 þann 14.apríl í gegnum Mótakerfið, en tekið er við skráningum á staðnum. 
• Skráning er á staðnum og hægt að gera upp við SKÍ: Kennitala 590269-1829 - banki 0162-26-3860

Að loknu mótinu þann 18.apríl verða Íslandsmeistarar krýndir sem og bikarmeistarar í hverjum flokki fyrir sig. Veitt eru þrjú verðlaun í bikarkeppninni í hverju aldursflokki og kyni. Veitt verða líka verðlaun fyrir besta félagið hverju sinni eins og segir í 6.grein í reglugerð um Skíðaskotfimi. Veitt eru ein verðlaun fyrir besta félagið í flokki 13 - 16 ára (bæði kyn saman) og ein verðlaun fyrir 17 ára og eldri (bæði kyn saman).

Hver keppandi verður að skjóta 5 skotum og ber ábyrgð á því sjálfur. Ekki má hvetja eða kalla hvatningarorð nálægt skotsvæðinu. Keppendur bera ábyrgð á að kynna sér almennar keppnisreglur IBU sem má sjá hér: https://www.biathlonworld.com/inside-ibu/downloads

Keppnis- og aldursflokkar eru:

• 16-35 ára           Karlar
• 16-35 ára           Konur
• 36 ára og eldri  Karlar
• 36 ára og eldri  Konur
• 11—15 ára        Karlar
• 11—15 ára        Konur

Hver keppandi verður að skjóta 5 skotum og ber ábyrgð á því sjálfur. Ekki má hvetja eða kalla hvatningarorð nálægt skotsvæðinu. Keppendur bera ábyrgð á að kynna sér almennar keppnisreglur IBU sem má sjá hér: https://www.biathlonworld.com/inside-ibu/downloads

Hægt er að sjá reglugerð um Bikarmót í skíðaskotfimi hér.