Þjálfari 2 í alpagreinum 5.–8. desember 2026

Opnað hefur verið fyrir skráningu á Þjálfari 2, þjálfaranámskeið í alpagreinum sem haldið verður dagana 5.–8. desember 2026.

Leiðbeinandi – Einar Witteveen frá Noregi

Einar hefur starfað hjá norska skíðasambandinu í 37 ár og hefur yfir 40 ára reynslu af skíðaþjálfun.

Hann hefur meðal annars verið:

• Landsliðsþjálfari norska karlalandsliðsins í heimsbikarnum í 6 ár.

• Afreksstjóri alpagreina í 4 ár.

• Landsliðsþjálfari norska skíðakrosslandsliðsins í 2 ár.

• Þjálfari hjá skíðafélögum um árabil.

Um námskeiðið

Námskeiðið er ætlað þjálfurum sem vilja efla þekkingu sína á þjálfun og uppbyggingu ungra keppnisiðkenda, sérstaklega á aldrinum 12–16 ára. Námskeiðið nýtist einnig vel þeim sem þjálfa yngri iðkendur.

Áhersla verður meðal annars lögð á:

• Skíðatækni og þjálfunaraðferðir.

• Svig, stórsvig og hraðaþjálfun.

• Brautarsetningu og fjölbreyttar tækniæfingar.

• Myndbandagreiningu.

• Langtímauppbyggingu skíðaiðkenda.

• Hlutverk þjálfarans og skipulag þjálfunar.

• Þrek þjálfun.

Stærstur hluti námskeiðsins fer fram á skíðum með iðkendum, ásamt bóklegri fræðslu og umræðum.

Þátttakendur hafa að einhverju leyti áhrif á hvaða þætti verður lögð sérstök áhersla á. Mikilvægt er að þátttakendur séu virkir, taki þátt í umræðum og nýti tækifærið til að auka eigin þekkingu og hæfni sem þjálfarar.

Staðsetning námskeiðsins

Stefnt er að því að halda námskeiðið á höfuðborgarsvæðinu. Bókleg kennsla fer fram í sal hjá Íþrótta- og Ólympíusambandi Íslands (ÍSÍ) í Reykjavík og verkleg kennsla í Bláfjöllum.

Tindastóll og Akureyri eru til vara ef aðstæður til skíðakennslu í Bláfjöllum verða ekki nægilega góðar.

Námskeiðsgjald: 12.000 kr. sem greiðist við skráningu

Dagskrá námskeiðsins

Nánari dagskrá verður auglýst á næstu dögum. Gera má ráð fyrir að námskeiðið hefjist laugardaginn 5. desember kl. 08:00 og ljúki þriðjudaginn 8. desember um kl. 17:00.

Við hvetjum alla áhugasama skíðaþjálfara til að skrá sig og nýta þetta frábæra tækifæri til að læra af reynslumiklum þjálfara.