Hæfileikamótun alpagreina

Þá er komið að því að bóka þarf í utanlandsferðina í október sem verður farin á jökul í Austurríki. Þessi ferð er í boði fyrir alla sem fæddir eru 2005-2008. Farið verður 15. október og komið heim 25. október. Sem fyrr verða Egill Ingi og Fjalar aðalþjálfarar en SKÍ óskar eftir umsóknum þjálfara og aðstoðarfólks til að fara þessa ferð. Áætlað er að ferðin kosti um 250.000 – 300.000 kr. Skráningarfrestur í ferðina er til og með 8. júní og staðfestingargjald þarf að greiða fyrir 20. júní. Áður en til greiðslu staðfestingargjaldsins kemur mun liggja fyrir nákvæmara verð á ferðinni.

Skráning í ferðina fer fram í mótakerfi SKÍ eins og um mót væri að ræða (mot.ski.is)

Allar nánari upplýsingar veitir Dagbjartur 660 1075 eða dagbjartur@ski.is