Austurrísku Alparnir 2024 - Hæfileikamótun snjóbretta og skíðafimi

Þá er komið að hinni einu sönnu pre-season æfingarferð til Austurríkis sem margir hafa beðið spenntir eftir.

Ferðin hefst á Keflavíkurflugvelli þann 31. október og endar 9. nóvember á Keflavíkurflugvelli.

Flogið verður með Icelandair til Munchen og keyrt þaðan til Stubai þar sem gist verður á hótel Schallerhof í 9 nætur. 

Ef veðurguðirnir verða okkur ekki hliðhollir allan tímann þá stefnum við á að fara í Banger Park (https://bangerpark.com/) að æfa ef svo skyldi vera að ekki sé hægt að æfa upp á jökli.

Þjálfarar ferðarinnar eru Jökull Elí Borg og Oddur Vilberg Sigurðsson. Þeir sáu um þessa ferðina á Hintertux í fyrra og gekk sú ferð mjög vel. 

Mikilvægt er að huga vel að næringu og svefni í svona ferð. Öll neysla áfengis, níkótíns og annara vímuefna er stranglega bönnuð í ferðinni.

Áætlað verð er á milli 255 þús - 275 þús. Lokaverð kemur í ljós þegar skráningu lýkur en það mun ekki fara yfir 275 þús. 

Innifalið:

Flug með tösku og snjóbretta/skíðapoka

Gisting með morgunmat, kvöldmat og nesti upp á jökul. 

Akstur til og frá flugvellinum í Munchen og á staðnum. 

SKÍ greiðir allan þjálfarakostnað.

Athugið að aðeins verður farið í ferðina ef 8 eða fleiri skrá sig. 

Til þess að vera sem best undirbúin fyrir þessa ferð ráðleggjum við iðkendum að skrá sig í æfingarbúðir BFH í september hér Hæfileikamótun SKÍ og BFH í snjóbretti/skíðafimi - æfingahelgi | Skíðasamband Íslands (ski.is) Þar verðu farið yfir ferðina og einnig gefst iðkendum tækifæri til þess að kynnast þjálfurum og hópnum fyrir ferðina. 

Ef spurningar vakna hafið samband við Brynju afreksstjóra SKÍ í síma 846-0420 eða brynja@ski.is